Մամլո հաղորդագրություն – «ՀԱՆՈՒՆ ԸՆՏԱՆԻՔԻ» ամենամյա համաժողով

By | December 10, 2014

Հաշվի առնելով հայ ընտանիքին և հոգևոր-ազգային արժեհամակարգին նետված մարտահրավերները և արդեն իսկ գոյություն ունեցող սպառնալիքները, դեկտեմբերի 12-ին, ժամը 11:00-ին Երևանի Թեքեյան կենտրոնի (հասցե՝ Խանջյան 50) նիստերի մեծ դահլիճում  մի շարք քաղաքական և հասարակական կազմակերպությունների, Հայ Առաքելական Սուրբ Եկեղեցու հոգևոր դասի ներկայացուցիչների և անհատների մասնակցությամբ «ՀԱՆՈՒՆ ԸՆՏԱՆԻՔԻ» խորագրի ներքո տեղի կունենա «Հոգևոր-ազգային արժեհամակարգի դեմ ուղղված սպառնալիքները,  դրանց դիմագրավելու ձևերը և միջոցները» թեմայով ամենամյա համաժողով:

Համաժողովի աշխատանքների արդյունքում շուրջ 100 հասարակական, հասարակական-քաղաքական կազմակերպությունների, նախաձեռնությունների, կենտրոնների, միությունների, ԶԼՄ-երի ներկայացուցիչների կողմից  կստորագրվի «ՀԱՆՈՒՆ ԸՆՏԱՆԻՔԻ հոգևոր-ազգային արժեհամակարգի պաշտպանության համահայկական դաշինք»-ի (այսուհետ՝ ԴԱՇԻՆՔ) ստեղծման մասին հռչակագիր:

Համաժողովի աշխատանքները ողջունել են Վրաստանի, Բելառուսի, Ռուսաստանի, Մոլդովայի, Ուկրաինայի, Ֆինլանդիայի, Ֆրանսիայի, Գերմանիայի ընտանեկան և հոգևոր-ազգային արժեքների պաշպանությամբ հանդես եկող կազմակերպությունների ներկայացուցիչներ, ովքեր ցանկություն են հայտնել ստորագրել համագործակցության մասին հուշագիր ԴԱՇԻՆՔ հետ:


Comments:

Leave a Reply

Your email address will not be published. Required fields are marked *

Hits from 1.17.2014: 583