Տեսլական
Հայաստանի Հանրապետությունը՝ Անկախության 35-ամյակին ընդառաջ, անցնելով բազմաթիվ ծանր փորձություններով, 2020-2023 թթ. պատերազմներով և արցախահայության բռնագաղթով, կրկին կանգնած է պատմական շեմին՝ հիշեցնելով հայ ժողովրդի դարավոր պայքարի ոգին, որը միշտ վերածնվել է մոխիրներից: Այսօր, հենվելով մեր նախնիների անկոտրում կամքի եւ հանուն Ազատության եւ Անկախության նահատակվածների մեծագույն սխրանքի վրա, մենք նվաճել ենք պատմական հնարավորություն՝ առաջիկա հարյուրամյակում ընթանալու խաղաղ, քաղաքակիրթ և ինքնիշխան զարգացման ուղով՝ կերտելով ազատ, ժողովրդավարական և եվրոպական Հայաստան, որտեղ յուրաքանչյուր քաղաքացի՝ իր երկրի ճակատագրի կերտողն է եւ տերը: Այս հնարավորությունը պետությանն ու ժողովրդինն է, եւ չի կարող կախված լինել մեկ քաղաքական ուժից, մեկ առաջնորդից կամ մեկ հերթական կամ արտահերթ ընտրությունից։ Այս ներքաղաքական կոնսենսուսից առաջիկա հարյուրամյակում պետք է ձեւավորվեն թե՛ ապագա իշխանությունները, թե՛ ապագա ընդդիմությունը։ Ով դուրս է այս կոնսենսուսից, դուրս է Հայաստանի քաղաքականությունից։
Նպատակներ
Մենք՝ «Հանուն Հանրապետության» կուսակցությունը, հանձնառու ենք ապահովել․
֊ խաղաղություն հարեւանների հետ
-ելք ՀԱՊԿ-ից, ԵԱՏՄ-ից, ԵՄ֊ի հետ DCFTA-ի շուրջ բանակցությունների մեկնարկ
-ԵՄ լիիրավ անդամակցություն եւ ՆԱՏՕ-ի հեռանկար
-ԱՄՆ-ի հետ ռազմավարական դաշնակցություն
-Ռուսաստանի հետ բացառապես հորիզոնական հարաբերություններ՝ առանց կախվածության
-Սահմանների բացում եւ TRIPP նախագծով փոխկապակցվածության ստեղծում Թուրքիայի եւ Ադրբեջանի հետ
-ՀՆԱ-ի 5%՝ պաշտպանությանը, պրոֆեսիոնալ բանակ՝ ՆԱՏՕ չափորոշիչներով
-Անկախ դատարաններ եւ խորքային վեթինգ
-1999-ի եւ 2008-ի ոճրագործությունների ամբողջական հետաքննություն; - Պետություն-եկեղեցի տարանջատում Սահմանադրությամբ
-Հոգևոր անվտանգություն՝ ռուսական հիբրիդային ազդեցության դեմ
-Թափանցիկ կառավարում եւ թվայնացում
Հանդիպումներ
Հանուն Հանրապետության կուսակցությունը մշտապես հանդիպումներ է անցկացնում քաղաքացիների հետ:
Թաուն-հոլ (town-hall) ձևաչափով հանդիպումներ են կայացել Երևանում, Գյումրիում, Վանաձորում, Իջևանում, Դիլիջանում, Արթիկում, Սիսիանում, Արարատում, Վարդենիսում, Հրազդանում, Չարենցավանում, Աբովյանում, Աշտարակում, Գավառում և այլ համայնքներում:
Հանդիպումների նպատակը քաղաքացիների լսված լինելն է, իրենց ձայնը հասանելի դարձնելը, ինչի արդյունքում լուծվել են բազմաթիվ տեղական նշանակության` մարդկանց կյանքի որակի համար որոշիչ հիմնախնդիրներ:
Անվտանգություն
Անվտանգությունը լոզունգ չէ։ Արդյո՞ք սահմանամերձ գյուղում ապրող մայրը կարողանում է հանգիստ քնել գիշերը։ Սա է անվտանգությունը: Մենք առաջարկում ենք Հայաստանի պաշտպանության արմատական արդիականացում. փուլային անցում պրոֆեսիոնալ բանակի, սահմանի յուրաքանչյուր մետրի շուրջօրյա դրոնային վերահսկողություն և պարտադիր ծառայության ժամկետի աստիճանական կրճատում մինչև 8 ամիս՝ համընդհանուր զինպատրաստության և տարածքային պաշտպանության ներդրմամբ։ Միաժամանակ մենք կառուցելու ենք ռազմավարական գործընկերություն այն երկրների հետ, որոնք հարգում են մեր ինքնիշխանությունը և իրոք օգնում են վճռորոշ պահին՝ ԵՄ, ԱՄՆ, Հնդկաստան և Ծոցի երկրներ։ Ակտիվ դիվանագիտություն։ Փոխշահավետ կապեր։ Ոչ մի կախվածություն։ Ուժեղ լինել նշանակում է լինել ինքնաբավ։ Իսկ ինքնաբավությունը սկսվում է ժամանակակից գործիքներից՝ պատրաստված պրոֆեսիոնալներից և գործընկերներից, որոնք պատասխանում են զանգերին։
Դպրոց/Կենտրոն
Ժողովրդավարության և անվտանգության հայկական կենտրոն հիմնադրամի շրջանակում գործում է նույնանուն Կենտրոն և Դպրոց:
Հիմնադրամի նպատակներն են` նպաստել Հայաստանում ժողովրդավարության ինստիտուտների զարգացմանը, Հայաստանի արտաքին քաղաքականության և անվտանգային միջավայրի բազմազանեցման ուլղությամբ ծրագրային և գաղափարա-քարոզչական աշխատանքներ տանելը, Հայաստանի հարևան պետությունների հետ նոր բովանդակությամբ հարաբերությունների կառուցմանն օժանդակելու ուղղությամբ ծրագրերի իրականացումը, ժողովրդավարության, մարդու իրավունքների և անվտանգության ոլորտում հասարակության կրթական և տեղեկացվածության մակարդակի բարձրացումը:
Այդ նպատակներն իրագործելու համար Կենտրոնն ու Դպրոցը կազմակերպում են կլոր սեղան-քննարկումներ, մեկօրյա հավաքներ, մեկամսյա դասընթացներ, ինչպես նաև մասնակցում տեղական և օտարերկրյա ծրագրերի:
